Argentina millisinin və "Atletiko"nun hücumçusu Xulian Alvares klubdan ayrılmaq istədiyi barədə sözlərinə görə azarkeşlərdən üzr istəyib.

Offsideplus.az xəbər verir ki, futbolçu dünya çempionatı zamanı komandanı dəyişmək istədiyini bildirmişdi. Onunla "Barselona" maraqlansa da, transfer baş tutmayıb.

"Əvvəlcə azarkeşlərimizdən dünya çempionatında dediyim sözlərə görə üzr istəyirəm. Bu, səhv idi, həm dediyim tərz, həm də vaxt baxımından. Onların qəzəbini başa düşürəm, mən də onların yerində olsaydım, eyni hissləri keçirərdim, xüsusilə də bu müddətdə mənə göstərdikləri dəstəyi nəzərə alsaq. Son həftələrdə onlar inanılmaz səxavət nümayiş etdiriblər. İndi əsas məqsədim daha yaxşı olmaqdır. Onlar daim yanımda olublar və indi qarşıda bizi çox vacib işlər gözləyir, buna görə də daha çox çalışmalıyam", – deyə Alvares "Deportivo" ilə La Liqanın 10-cu turunda keçirilən oyundan sonra bildirib. Həmin qarşılaşmada o, qələbə qolunun müəllifi olub (1:0).