"Komo"nun baş məşqçisi Sesk Fabreqas son günlərdə adı ətrafında dolaşan şayiələrə son qoyub.
Offsideplus.az xəbər verir ki, ispaniyalı mütəxəssis keçmiş klubu "Çelsi"yə rəhbərlik edəcəyi ilə bağlı yayılan xəbərləri təkzib edib.
Hazırda İtaliya təmsilçisi ilə uğurlu mövsüm keçirən Fabreqas mətbuata verdiyi açıqlamada tamamilə cari işinə kökləndiyini bildirib. O, London klubuna keçid ehtimalını müzakirə etməyin hələ çox tez olduğunu vurğulayıb:
"Bu barədə deyiləcək bir şey yoxdur. Hazırda bu haqda düşünmək axmaqlıq olardı — bütün diqqətim növbəti 'Cenoa' matçındadır. Hətta klub prezidentimizin bu mövzuda hər hansı sitatını belə görməmişəm."
Gənc mütəxəssis karyerasını İtaliyada davam etdirməkdə qərarlı görunür. Fabreqas "Komo" layihəsinə sadiqliyini bu sözlərlə ifadə edib:
"İnanıram ki, karyeramın bu mərhələsinə 'Komo'nun baş məşqçisi kimi davam edəcəyəm. Bütün fokusumuz qarşıdakı oyunlardadır."
Xatırladaq ki, "Çelsi"dəki uğursuz gedişatdan sonra İngiltərə mətbuatı Fabreqasın "Stemford Bric"ə qayıdışını əsas gündəm mövzusu halına gətirmişdi. Lakin görünən odur ki, Sesk üçün prioritet hazırda A Seriyasıdır.
