Fransanın PSJ klubu "Real Madrid"in gənc ulduzu Eduardo Kamavinqanı heyətinə qatmaq üçün hərəkətə keçib.

​Offsideplus.az xəbər verir ki, Paris təmsilçisi bu yay transfer pəncərəsində yarımmüdafiə xəttini gücləndirmək məqsədilə fransız futbolçunu əsas hədəf seçib. 2021-ci ildə "Renn" klubundan "Real Madrid"ə keçən 23 yaşlı futbolçunun İspaniyadakı gələcəyi artıq müzakirə mövzusudur.

​Madrid təmsilçisi Kamavinqanı "toxunulmaz" hesab etmir və cəlbedici təklif gələrsə, onu satmağa hazırdır. PSJ ilə yanaşı, İngiltərənin "Mançester Yunayted", "Çelsi" və "Liverpul" klubları da futbolçu ilə yaxından maraqlanır.