NBA bu ilin avqustunda "Basketball Without Borders" (BWB) Next Up layihəsinin yeni formatda təşkil olunacağını açıqlayıb. Gənc istedadlar üçün nəzərdə tutulan bu düşərgə 26-29 avqust tarixlərində İstanbulda baş tutacaq. BWB üçün bu, İstanbulda keçiriləcək üçüncü tədbir olacaq.

Offsideplus.az xəbər verir ki, düşərgədə "Klivlend"in məşqçisi Kenni Etkinson, "Nyu Orlean Pelikans"ın oyunçusu Dominik Barlou, "Klivlend"dən Tomas Brayant, "Vaşinqton"dan Karlton Kerrinqton, "Klipperz"dən Bruk Lopes, "Vaşinqton"dan Kris Middlton, "Filadelfiya"dan Cabari Uoker və digər tanınmış basketbolçular iştirak edəcək. NBA bu layihəni hər il iki dəfə, kişi və qadınlar arasında ən perspektivli 80 gənc oyunçu üçün keçirməyi planlaşdırır.