Misli Premyer Liqasında (MPL) XXIV turun oyunları keçirilir.

Offsideplus.az xəbər verir ki, günün ilk matçında "Sabah" Qubada "İmişli"nin qonağı olub.

"Bayquşlar" özünü qonaq kimi aparmayıb.

Ötən tur "Qəbələ"yə 7 qol vuran Valdas Dambrauskasın komandası bu dəfə isə rəqibinin qapısına 5 dəfə yol tapmağı bacarıb.

Görüşdə dubl edən Coy-Lens Mikels qollarının sayını 14-ə çatdırıb. 

Digər qollara isə Stiv Solve, Kahim Parris və Aleksey İsayev imza atıb.

"Sabah" 59 xalla liderliyini davam etdirib. "İmişli" isə 22 xalla 9-cu yerin sahibidir.

MPL, XXIV tur

14 mart (şənbə)

15:00. “İmişli” - “Sabah” 0:5

Qollar: Stiv Solve, 9', Coy-Lens Mikels, 16' (penalti), 35', Kahim Parris, 49', Aleksey İsayev, 73' (penalti)

Hakimlər: Rauf Cabarov, Akif Əmirəli, Şirmamed Mamedov, Alik Yunusov

VAR: Əliyar Ağayev

AVAR: Zöhrab Abbasov

Quba OİK stadionu