"Möhtəşəm atmosferə görə azarkeşlərə minnətdaram".
Offsideplus.az xəbər verir ki, bunu "Sabah"la matçdan sonra "Qarabağ"ın baş məşqçisi Qurban Qurbanov mətbuat konfransında deyib.
O, görüşlə bağlı bunları da söyləyib:
"Hər iki komanda onlara sürətli və baxımlı futbol izlətdi. Qarşımızda sona qədər döyüşən, güclü bir kollektiv var idi. Bu cür rəqiblərlə qarşılaşmaq bizim üçün xoşdur. İndi isə kubokdakı gərgin mübarizəni kənara qoyub, iki gündən sonra çempionatda baş tutacaq "Karvan- Yevlax" matçına köklənməliyik".
Təcrübəli mütəxəssis görüşün baş hakimi Rauf Cabarovun təyinatına da toxunub:
"Hakim təyinatı ilə bağlı heç bir narahatlığım yoxdur və bu, müzakirə mövzusu belə deyil. Çox güman ki, son vaxtlar formda olduğu üçün bu görüş ona həvalə olunmuşdu".
Q. Qurbanov Aleksey Kaşukun vəziyyəti və "Sabah"a qayıdacağı barədə isə bunları deyib:
"Kaşukun 'Sabah'la hər hansı bir məsələsi yoxdur, ən azından bizim belə bir planımız yoxdur. Son çempionat oyununda start heyətində idi və kifayət qədər şans qazandığını düşünürəm. Təbii ki, oyununda tam razı qalmadığımız məqamlar var və bunun üzərində birlikdə işləyəcəyik".
O, azarkeşlərin önəmindən də bəhs edib:
"Hər iki turnirdə də həmişə iddialı olmuşuq. Birini digərinə qurban vermək barədə düşünmürük. Bizim üçün əsas odur ki, azarkeşlər futbolumuzdan həzz alsınlar. Onlar tribunaları dolduranda istənilən rəqibə qarşı belə baxımlı futbol görmək mümkündür.
Mütəxəssis Dambrauskasla münasibətlərinə də toxunub:
"Elvin Cəfərquliyevlə Zedadka arasındakı epizodu tam görməsəm də, belə halları normal qarşılayıram; futbol həm də xarakter oyunudur. Hər ikisini barışdırmağa çalışdım. Həmkarım Dambrauskasla da münasibətimiz yaxşıdır, oyundan əvvəl və sonra ancaq futbol barədə danışırıq. Meydanda baş verənlər elə orada da qalır".
AFFA-nın son iki ildəki fəaliyyəti haqqında isə Qurban Qurbanov bunları deyib:
"Yeni fikir və strukturların nəticəsini görmək üçün zamana ehtiyac var. Futbolumuzun inkişafı naminə hər zaman yeni düşüncələr ortaya qoyulur, lakin real bəhrəsini zamanla hiss edəcəyik".
