Ziraat Türkiyə Kubokunun 1/4 final mərhələsində "Tümosan Konyaspor" öz meydanında "Fənərbağça"nı qəbul edib.
Offsideplus.az xəbər verir ki, gərgin keçən qarşılaşma meydan sahiblərinin minimal hesablı qələbəsi ilə yekunlaşıb.
Oyunun əsas vaxtında qol səsi çıxmasa da, qalibi müəyyənləşdirmək üçün əlavə vaxta ehtiyac duyulub.
"Konyaspor" uzatma dəqiqələrində qazandığı penaltini dəqiq yerinə yetirərək "Fənərbağça"nı 1:0 hesabı ilə məğlub edib və adını yarımfinala yazdırıb.
Bu qələbə ilə yarımfinala yüksələn "Konyaspor"un növbəti rəqibi hələ bəlli deyil.
Komanda final yolunda "Beşiktaş" – "Korendon Alanyaspor" cütünün qalibi ilə qarşılaşacaq.
