"Portland Treyl Bleyzers"in gənc oyun qurucusu Skut Hendersonun debütant müqaviləsinin uzadılması ilə bağlı klubla razılığa gələ bilmədiyi məlum olub. Beləliklə, 2023 NBA dreftinin üçüncü seçimi olan Henderson 2026/27 mövsümündən sonra məhdud azad agent statusu qazanacaq və "Portland" digər klubların təkliflərini uyğunlaşdırmaq hüququna malik olacaq.

Offsideplus.az xəbər verir ki, 22 yaşlı basketbolçu ilk üç mövsümündə zədələr, qeyri-sabit şüt atma və veteranlarla rəqabət səbəbindən çətinliklərlə üzləşib. Karyerası ərzində keçirdiyi 158 oyunun yalnız 52-də start heyətində yer alıb. Henderson, 2017-ci ildə 10-cu sıradan seçilən Zak Kollinsdən sonra "Portland Treyl Bleyzers"in müqavilə uzatması almayan ilk lotereya seçimi olub. O, həmçinin 2023-cü il NBA dreftinin ilk beşliyində yer alan və müqavilə uzatması əldə etməyən yeganə oyunçudur. Digər top-5 seçimləri – Viktor Vembanyama ("San Antonio Spurs" – 5 il, 252 milyon dollar), Brendon Miller ("Şarlott Hornets" – 5 il, 209 milyon dollar), Amen Tompson ("Hyuston Rokets" – 5 il, 208 milyon dollar) və Osar Tompson ("Detroyt Pistons" – 5 il, 155 milyon dollar) – artıq yeni müqavilə bağlayıblar. Qarşıdakı mövsümdə Hendersonun əsas rəqibləri Deymian Lillard, Ca Morant və Drü Holidey olacaq.