"Quba"nın kapitanı Zaur Paşayev klubun mətbuat xidmətinə müsahibə verib.

Offsideplus.az həmin müsahibəni sizin nəzərinizə çatdırır:

"Sumqayıt"a məğlubiyyət haqqında: "Oyuna yaxşı başlasaq da, sonlarda yorğunluq və qeyri-dəqiq atışlar səbəbindən üstünlüyü əldən verdik. Rəqib vəziyyətdən istifadə edərək hesabı xeyrinə dəyişdi".

"Lənkəran" matçından gözləntilər: "Azərbaycan Basketbol Liqasında zəif rəqib yoxdur. Bu görüşə ciddi hazırlaşmışıq və hədəfimiz yalnız qələbədir".

Turnir cədvəli və Pley-off: "Hazırda 4-cü pillədəyik, lakin 3-cü yerə yüksəlmək istəyirik. Bu, pley-offda bizə uyğun rəqib olan "Naxçıvan"la qarşılaşmaq üçün vacibdir".

Azarkeş dəstəyi: "Təəssüf ki, Qubada ev oyunlarımıza azarkeş marağı azdır. Cəlilabaddan fərqli olaraq, burada hələ ki, tribunalar dolmur. Çalışacağıq ki, oyunumuzla azarkeşləri stadiona cəlb edək".

Ölkə Kuboku və "Sabah"la oyun: "Naxçıvan"ı keçərək növbəti mərhələyə yüksəldik. Növbəti rəqibimiz "Sabah" çox güclü və böyük büdcəli klub olsa da, sona qədər mübarizə aparıb maraqlı oyun nümayiş etdirəcəyik".

Komandanın hazırkı vəziyyəti: "Keçən illə müqayisədə bu il daha kollektiv oyun nümayiş etdiririk. Heyətdəki legionerlərin Avropa təcrübəsinin olması bir-birimizi daha yaxşı başa düşməyimizə kömək edir. Əsas hədəfimiz mövsümü ilk səkkizlikdə bitirməkdir".