"Fənərbağça" və "Riyeka" Niko Yankoviç transferi üçün razılığa gəlib.
Offsideplus.az xəbər verir ki, "sarı-lacıvərdlilər" 23 yaşlı futbolçu üçün 5.6 milyon avro ödəyəcək.
Transferin yekunlaşmağı üçün oyunçunun yekun qərarı gözlənilir.
Bu barədə insayder Yağız Sabuncuoğlu məlumat yayıb.
Zaqreb "Dinamo"sunun yetirməsi olan N. Yankoviç 2023-cü ildən "Riyeka"da çıxış edir. O, son mövsümdə komandasının ölkə çempionluğunda önəmli rol oynayıb.
Xorvatiyalı hücumameyilli yarımmüdafiəçi burada, ümumilikdə 111 oyunda 25 qol vurub və 14 məhsuldar ötürmə verib.
