"Mançester Siti" heyətinə yeni futbolçu qatıb.

Offsideplus.az klubun rəsmi saytına istinadən xəbər verir ki, "şəhərlilər" "Borussiya"nın (Dortmund) mərkəz müdafiəçisi Manuel Akancini transfer edib.

27 yaşlı müdafiəçi ilə 5 illik müqavilə imzalanıb. O, komandada 25 nömrəli formanı geyinəcək. 

Qeyd edək ki, Akanci 2018-ci ildən "Borussiya"da (Dortmund) çıxış edirdi. O, bu müddətdə 158 oyunda meydanda olub, 4 qol vurub və 2 asisst edib. 2017-ci ildən oynadığı İsveçrə millisində isə 41 matç keçirib.