Azərbaycan U-20 milli komandası əsas vaxtı qolsuz başa çatan yoxlama oyununda Yaponiyanı penaltilər seriyasında məğlub etdi – 5:4.

Oyunsonrası mətbuat konfransında millimizin baş məşqçisi Rui Jorje media önünə çıxıb.

– Futbolçularda fiziki çatışmazlıq hiss olunurdu. Bu barədə klubları ilə müzakirələr aparırsınız?

– Yolun başlanğıcındayıq, bu normaldır. Heyətdə rotasiyalar etdik. Futbolçularımdan intensivlik tələb edirəm. Oyunun sonunda yorğun olmaları normaldır.

– Futbolçular Premyer Liqada şans qazana bilmirlər. Bu barədə komandaların baş məşqçiləri ilə danışırsınız?

– Klubların işinə müdaxilə edə bilmərəm. Bəzi oyunçular əvəzedici və U-19 komandada oynayırlar. Sadəcə şikayətlənməklə iş düzəlmir. Elə oyunçular var ki, keyfiyyətlidirlər.

– Moldova ilə oyundan fərqli olaraq, bu gün müdafiədə ciddi səhvlərə yol verilmədi. Qısa müddətdə bunu necə düzəltdiniz?

– Moldova ilə oyunda müdafiədə hücumdan daha çox səhv edirdik.

– Qol buraxmamağınıza daha çox sevinirsiniz, yoxsa vur bilməməyinizə məyus olursunuz?

– Hər ikisi beni qane etdi. Hücum alınmasa da, müdafiəni qorumaq lazımdır. Hücumda da qorxmaq lazım deyil.

– Bəyəndiyiniz futbolçular əvvəldən təbii meydançada oynasaydılar, Portuqaliyadakı kimi keyfiyyətli olardılarmı?

– Bunu demək çətindir. Şərait, meydança amili və sair futbolçuya daha çox kömək edir. Əllərində imkan var ki, həmişə inkişaf etsinlər.

– U-21-dəki milliləşdirilmiş futbolçular çağırılacaq?

– Hamısını nəzərə alacağam. İndiki futbolçularıma vurğunam, onlar millidə olmağı haqq edirlər. Əlbəttə, limit də olacaq.

– Əli Bəşirov haqqında nə düşünürsünüz?

– Çox istedadlı oyunçudur. Avropadakı həmyaşıdlarından geri qalmır. Bütün toplanışlara dəvət alır. Əsas olan yaşı yox, keyfiyyətidir. Hər bir oyunçu öz üzərində çalışmalıdır.