"Mançester Siti"nin baş məşqçisi Enzo Mareska komandasının hazırkı vəziyyəti və "PSJ" ilə müqayisəsi barədə fikirlərini bölüşüb.

Offsideplus.az xəbər verir ki, bu gün "Etihad" stadionunda keçiriləcək Çempionlar Liqasının ümumi mərhələsinin 2-ci turunda "Mançester Siti" və "PSJ" qarşılaşacaq.

Mareska bildirib: "Hazırda "PSJ" ilə müqayisədə harada olduğumuzu dəqiq bilmirəm. Onlar son iki ildə iki dəfə Çempionlar Liqasının qalibi olublar – bu, onların nə qədər güclü olduğunu göstərir. Amma biz onlara nə qədər yaxın və ya uzaq olduğumuzu deyə bilmərəm. Yalnız onu bilirəm ki, bizim də yaxşı komandamız var".

O əlavə edib: "Oyunda qalib gəlmək üçün ideal çıxış etməliyik, çünki hazırda Avropanın ən güclü komandası məhz onlardır. Son iki Çempionlar Liqasını qazanıblar, buna görə də mükəmməl oyun lazımdır. Amma biz də əlimizdən gələni edirik – düşünürəm ki, onları məğlub edə və nəticədə xoşbəxt ola bilərik".