FİFA referisi Fəridə Lütfəliyeva UEFA-dan növbəti təyinatını alıb.

Offsideplus.az AFFA-ya istinadən xəbər verir ki, o, 19 yaşadək qadın futbolçular arasında Avropa çempionatının seçmə mərhələsinin II raundunda fəaliyyət göstərəcək. Litvanın Kaunas şəhərində keçiriləcək B qrupunun oyunlarında F.Lütfəliyeva iki matçın (Kosovo – Moldova və Moldova – Litva) baş hakimi, bir görüşün isə ehtiyat hakimi olacaq.

Digər referimiz Gülnurə Əkbərzadə isə hər üç qarşılaşmada baş hakimin köməkçisi funksiyasını yerinə yetirəcək.

F. Lütfəliyevanın oyun cədvəli belədir:

12 aprel: Kosovo – Moldova (baş hakim)

15 aprel: Kosovo – Litva (ehtiyat hakim)

18 aprel: Moldova – Litva (baş hakim)