Argentina milli komandasının kapitanı Lionel Messi Dünya Çempionatları tarixinin ən böyük rekordlarını birmənalı olaraq öz adına yazdırmağa cəmi bir addım uzaqlıqdadır.
Offsideplus.az xəbər verir ki, cari turnirdə Əlcəzairə qarşı etdiyi het-triklə statistikasını daha da yeniləyən ulduz futbolçu, həm qol, həm də məhsuldar ötürmə yarışında zirvənin tək sahibi olmaq şansı qazanıb.
Lionel Messinin Dünya Çempionatındakı tarixi statusu:
- Qol Rekordu (16 Qol): Messi hazırda vurduğu 16 qolla Dünya Çempionatları tarixinin ən məhsuldar oyunçusu olan almaniyalı Miroslav Kloze ilə birinci pilləni bölüşür. İyunun 22-də Avstriya yığmasına qarşı keçiriləcək növbəti qrup matçında vuracağı bircə qol onu futbol tarixinin bu turnirdəki mütləq bombardiri edəcək.
- Assist Rekordu (8 Asist): Məhsuldar ötürmə sayında isə Messi digər bir Argentina əfsanəsi Dieqo Maradona ilə bərabərdir (hər ikisində 8 assist). Qarşıdakı oyunlarda edəcəyi bircə asist Messini Opta analitika erasının (1966-cı ildən bəri) ən çox qol pası verən oyunçusuna çevirəcək.
Qol və assist sayında hələlik şərikli lider olsa da, Messi ümumi qol töhfəsində (24 məhsuldarlıq xalı — 16 qol, 8 assist) artıq braziliyalı ulduz Peleni (21 xal) geridə qoyaraq Dünya Çempionatları tarixinin ən effektiv oyunçusu ünvanını əlinə alıb.
Argentina millisi bu axşam qrup mərhələsinin növbəti oyununda Avstriya ilə qarşılaşacaq və Messinin bu tarixi rekordları təkbaşına qırmaq üçün ilk şansı elə bu matç olacaq.
