Amerika mediasında Stefen Karrinin "Qolden Steyt Uorriors"dan ayrılması ehtimalı gündəmə gəlib. İddialara görə, əgər ikiqat MVP gələcəkdə klubunu dəyişmək qərarına gəlsə, onun üçün ən maraqlı variantlardan biri "Boston Seltiks" ola bilər.

Offsideplus.az xəbər verir ki, Sports Illustrated-in müəllifi Con Karalis Karrinin "Boston Seltiks"ə mümkün transfer ssenarisini təqdim edib. Onun versiyasına əsasən, "Seltiks" Stefen Karrini heyətinə qatmaq üçün Pol Corc, Səm Hauser və "Filadelfiya Siksers"dən iki birinci raund seçimini "Qolden Steyt Uorriors"a təklif edə bilər. Karalis qeyd edib ki, bu seçimlər yenidənqurma mərhələsinə başlayan komanda üçün dəyərli ola bilər. O, həmçinin bildirib ki, "Boston Seltiks"in prezidenti Bred Stivens Stefen Karri transferində çox maraqlı olardı, əgər "Qolden Steyt Uorriors" ulduz oyunçunu bazara çıxarsa.