"Marsel" klubu uzun müddətdir danışıqlar apardığı İqor Payşao transferini bitirib.
Offsideplus.az xəbər verir ki, Fransa klubu 25 yaşlı futbolçu "Feyenoord"a bonuslarla birlikdə 35 milyon avro ödəyəcək.
Bu barədə insayder Fabritsio Romano məlumat yayıb.
Onunla uzunmüddətli müqavilə imzalanacaq.
Payşao ilə "Lids" klubu da maraqlanırdı. Lakin braziliyalı futbolçu hər zaman "Marsel"ə transfer olmaq istəyib.
25 yaşlı vinger 3 mövsüm keçirdiyi "Feyenoord"da 129 oyuna 39 qol vurmağı bacarıb.
