İngiltərə Premyer Liqasının liderliyi uğrunda mübarizə aparan "Arsenal" klubu yay transfer pəncərəsi öncəsi heyətini gücləndirmək üçün iddialı bir hədəf müəyyənləşdirib.

Offsideplus.az xəbər verir ki, "Topçular"ın "Çelsi"nin ulduz yarımmüdafiəçisi Enso Fernandesi transfer siyahısına daxil etdiyi bildirilir.

​"Arsenal"ın argentinalı dünya çempionuna olan marağı "konkret" xarakter daşıyır. Klub rəhbərliyi və skaut qrupu hazırda yarımmüdafiə xəttini yeniləmək variantlarını dəyərləndirir və Enso bu planın əsas parçalarından biri kimi nəzərdən keçirilir.

​"Çelsi"nin cari mövsümdəki qeyri-sabit çıxışı və klubdaxili dəyişikliklər bir neçə aparıcı oyunçunun, o cümlədən Enso Fernandesin gələcəyini sual altına qoyub. "Arsenal"ın bu qeyri-müəyyənlikdən istifadə edərək rəsmi addım atmağa hazırlaşdığı və vəziyyəti yaxından monitorinq etdiyi vurğulanır.

​Lakin bu transferin reallaşması heç də asan görünmür. Ensonun "Çelsi" ilə 2032-ci ilin yayına  qədər müqaviləsi var.