Lamelo Bollun həm qəhrəman, həm də səhvləri ilə yadda qaldığı oyunda "Şarlott Hornets" "Mayami Hit"i əlavə vaxtda 127-126 hesabı ilə məğlub edərək NBA pley-in turnirindən kənarlaşdırıb.

Offsideplus.az xəbər verir ki, bununla da "Şarlott" 12 oyunluq "ya ölüm, ya qalım" seriyasındakı qələbəsizlik lənətinə son qoyub. Onlar indiyə qədər heç bir postmövsüm oyununda qalib gələ bilməmişdi.

Oyunun son saniyələrində top itkisi və qayda pozuntusu ilə "Mayami"nin önə keçməsinə səbəb olan Boll, bitimə 9 saniyə qalmış atdığı xalla komandasını yenidən irəli çıxarıb. Mayls Bridcesin son saniyə bloku isə "Hornets"in tarixi qələbəsini təmin edib.