Albaniyanın paytaxtı Tirana şəhərində keçirilən Avropa çempionatı Azərbaycan milli komandası üçün tarixi uğurlarla başa çatdı.
Offsideplus.az xəbər verir ki, pəhləvanlarımız yarışı ümumilikdə 13 medalla yekunlaşdıraraq qitənin ən güclüləri arasında olduqlarını bir daha sübut etdilər.
Azərbaycan himnini Albaniyada səsləndirən idmançılarımız:
- Həsrət Cəfərov (67 kq) – Yunan-Roma güləşi
- Qurban Qurbanov (82 kq) – Yunan-Roma güləşi
- Ali Tsokayev (92 kq) – Sərbəst güləş
- Giorgi Meşvildişvili (125 kq) – Sərbəst güləş
- İslam Bazarqanov (57 kq) – Sərbəst güləş
Yarışın son günündə finalda əzmkar mübarizə aparan, sonda gümüş medal alan təmsilçilərimiz:
- Turan Bayramov (74 kq)
- Arseniy Djioyev (86 kq)
Fəxri kürsünün üçüncü pilləsinə yüksələn güləşçilərimiz:
- Rəşad Məmmədov (55 kq), Nihat Məmmədli (60 kq), İslam Abbasov (87 kq) – Yunan-Roma
- Jalə Əliyeva (57 kq), Günay Qurbanova (59 kq) – Qadın güləşi
- Cəbrayıl Hacıyev (79 kq) – Sərbəst güləş
Xüsusilə vurğulanmalıdır ki, yunan-Roma güləşi üzrə milli komandamız ümumi komanda hesabında birinci yeri tutaraq Avropanın ən güclü komandası adını qazanıb.
Yarışın sonuncu günündə sərbəst güləşçilərimiz Ali Tsokayev və Giorgi Meşvildişvilinin qızıl medalları Azərbaycanın ümumi medal sıralamasındakı mövqeyini daha da möhkəmləndirdi.
